«Բարսելոնան» հայտարարեց ակումբի նախագահի հրաժարականի մասին

00:24   28 հոկտեմբերի, 2020

Կատալոնական «Բարսելոնան» պաշտոնապես հայտարարել է ակումբի նախագահ Խոսեպ Մարիա Բարտոմեուի և տնօրենների խորհրդի անդամների հրաժարականի մասին:

«Բարսելոնայի» մամուլի ծառայության հաղորդմամբ՝ Խոսեպ Մարիա Բարտոմեուն հրաժարական է ներկայացրել՝ հաշվի առնելով ակումբի պաշտոնական անդամների հայտնած անվստահությունը:

Ակումբի կանոնադրությամբ՝ նախագահի հրաժարականին հաջորդող 90 օրերի ընթացքում պետք է տեղի ունենան նոր նախագահի ընտրություններ:

Խոսեպ Բարիա Բարտոմեուն «Բարսելոնայի» նախագահի պաշտոնում աշխատանքը սկսել էր 2014 թվականից՝ Սանդրո Ռոսելի հրաժարականից հետո:

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։