Ամերիկայի շախմատի ակադեմիան «Հայաստան» համահայկական հիմնադրամին օգնելու նպատակով կազմակերպել է առցանց շախմատային մրցաշար, հայտնում է Հայաստանի շախմատի ֆեդերացիայի մամուլի ծառայությունը:
Մասնակցել են Համաշխարհային Օլիմպիադայի ու աշխարհի թիմային առաջնության հաղթող Վլադիմիր Հակոբյանն ու ամերիկահայ շախմատիստ Սամուել Սևյանը: Նրանք մրցել են միաժամանակ 18 և 13 սիրողական շախմատիստների հետ:
Համընդհանուր նվիրատվությունների արդյունքում հաջողվել է հավաքել 2060 դոլար: Շախմատի ակադեմիայի մարզիչների շնորհիվ գումարը կազմել է 2500 դոլար: Ամբողջ հասույթը կփոխանցվի «Հայաստան» համահայկական հիմնադրամին:
Ամերիկայի շախմատի ակադեմիայից հայտնել են, որ ևս 1500 դոլար փոխանցվել է Հայաստանի շախմատի ակադեմիային, որն այս օրերին հյուրընկալել է արցախցիների:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։