Զիդան. Ազարը պատրաստ է
16:46 27 հոկտեմբերի, 2020Մադրիդի «Ռեալի» բելգիացի հարձակվող Էդեն Ազարը պատրաստ է խաղադաշտ վերադառնալուն: Այդ մասին հայտարարել է թիմի գլխավոր մարզիչ Զինեդին Զիդանը:
«Եթե Ազարը մարզվում է մեզ հետ, դա նշանակում է, որ նա պատրաստ է: Դա լավ նորություն է: Բոլորս երջանիկ ենք նրան դարձյալ թիմում տեսնելու համար: Տեսնենք, թե ինչպես կարող ենք նրան օգտագործել խաղի ընթացքում»,- ֆրանսիացի մասնագետի խոսքը մեջբերում է As-ը:
Հիշեցնենք, որ Էդեն Ազարը վնասվածքի պատճառով դեռ հանդիպման չի մասնակցել ընթացիկ մրցաշրջանում: Նա հայտավորվել է Մյոնխենգլադբախի «Բորուսիայի» դեմ Չեմպիոնների լիգայի խմբային փուլի երկրորդ տուրի խաղին, որը տեղի կունենա հոկտեմբերի 27-ին Գերմանիայում:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։