Տիգրան Բարսեղյանի դուբլն ու գոլային փոխանցումը հաղթանակ բերեցին «Աստանային»

20:21   26 հոկտեմբերի, 2020

Ֆուտբոլի Ղազախստանի առաջնության 15-րդ տուրում գործող չեմպիոն «Աստանան» Տիգրան Բարսեղյանի դուբլի ու գոլային փոխանցման օգնությամբ 5:1 հաշվով արտագնա հաղթանակ տարավ «Օկժետպեսի» նկատմամբ:

Հայաստանի հավաքականի հարձակվողը 11-րդ րոպեին բացեց խաղի հաշիվը, իսկ 29-րդ րոպեին նաև կրկնապատկեց այն: 34-րդ րոպեին Բարսեղյանը ստացավ դեղին քարտ, իսկ 6 րոպե անց դարձավ գոլային փոխանցման հեղինակ: Ղազախստանի ընթացիկ առաջնությունում 27-ամյա ֆուտբոլիստը գոլերի թիվը հասցրեց 3-ի:

Մեկ հանդիպում պակաս անցկացրած «Աստանան» 27 միավորով երկրորդ տեղում է և 11 միավոր հետ է առաջատար «Կայրաթից»:

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։