Ֆուտբոլի Հայաստանի Պրեմիեր լիգայի 9-րդ տուրում Վանաձորի «Լոռին» սեփական խաղադաշտում նվազագույն հաշվով առավելության հասավ Երևանի «Արարատի» նկատմամբ: Դաշտի տերերի հաղթական գոլը երկրորդ խաղակեսում խփեց Հաիթիի հավաքականի կիսապաշտպան Ալեքսիս Ջիմի-Բենդը:
Այս հաղթանակից հետո «Լոռին» վաստակեց 9 միավոր և «Ալաշկերտի», «Վանի» ու «Արարատի» հետ բաժանում է 2-5-րդ տեղերը: Առաջատար «Ուրարտուն» ունի 13 միավոր:
Օրվա մյուս 2 խաղերում Երևանի «Ուրարտուն» 2:0 հաշվով արտագնա հաղթանակ էր տարել «Գանձասար-Կապանի» նկատմամբ, իսկ Երևանի «Ալաշկերտը» Գյումրիում ոչ ոքի էր խաղացել հետնապահ «Շիրակի» հետ՝ 1:1:
Հիշեցնենք, որ այս տուրի վերջին՝ «Նոա» - «Փյունիկ» հանդիպումը հետաձգվել է կորոնավիրուսի կանխարգելման նպատակով: 9-րդ տուրը մեկնարկել էր «Վան» - «Արարատ-Արմենիա» (0:1) խաղով:
Հայաստանի առաջնություն, 9-րդ տուր
«Լոռի» - «Արարատ»՝ 1:0
Ալեքսիս Ջիմի-Բենդ, 59
Ֆոտո՝ «Արարատի» մամուլի ծառայություն
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։