«Բարսելոնան» դժգոհություն է հայտնել Լա Լիգայի ղեկավարությանը

Կատալոնական «Բարսելոնան» պաշտոնապես դիմել է Լա Լիգային Իսպանիայի առաջնության 7-րդ տուրի՝ Մադրիդի «Ռեալի» հետ խաղում մրցավարների աշխատանքի վերաբերյալ:

Sport.es-ի հաղորդմամբ՝ «Բարսելոնան» ներկայացրել է, որ Կլեման Լանգլեի և Սերխիո Ռամոսի բախման դրվագում ֆրանսիացի պաշտպանը չի խախտել խաղի կանոնները, և մրցավարը «Բարսելոնայի» դարպասին 11 մետրանոց նշանակել է անհիմն:

Ավելի վաղ «Բարսելոնայի» գլխավոր մարզիչ Ռոնալդ Կումանը ևս դժգոհություն էր հայտնել «Ռեալի» հետ հանդիպումը սպասարկած մրցավարների աշխատանքի վերաբերյալ:

Նշենք, որ «Ռեալը» 13 միավորով գլխավորում է մրցաշարային աղյուսակը, «Բարսելոնան» 10-րդն է՝ 7 միավոր։