UFC-ի նախագահը Նուրմագոմեդով - Գետժի մենամարտը գնահատում է 700 միլիոն դոլար

19:12   23 հոկտեմբերի, 2020

UFC-ի նախագահ Դանա Ուայթը պատմել է, թե որքան է գնահատում թեթև քաշային կարգում գործող չեմպիոն Խաբիբ Նուրմագոմեդովի և ամերիկացի Ջասթին Գետժիի մենամարտի արժեքը:

«Այդ մենամարտի մասին գրում են 50 երկրներում: Միայն պատկերացրեք՝ ունենք 23 միլիարդ ցուցադրություն: Հաշվարկները ցույց են տվել, որ դա կազմում է 700 միլիոն դոլար: Հենց այդքան է այդ մենամարտի արժեքը»,- Real Quick With Mike Swick Podcast-ի եթերում ասել է Դանա Ուայթը:

Հիշեցնենք, որ Նուրմագոմեդովի և Գետջիի միջև մենամարտը տեղի կունենա հոկտեմբերի 24-ին Աբու-Դաբիում: Նախօրեին տեղի էր ունեցել հայացքների մենամարտն ու կռման արարողությունը: 2 մարտիկների քաշն էլ 70.6 կգ է: Ռուսաստանցի մարտիկը քաշի հետ կապված խնդիր է ունեցել, այդ պատճառով ստիպված է եղել ամբողջովին մերկ կանգնել կշեռքին: Ավելի վաղ նշվում էր, որ Խաբիբ Նուրմագոմեդովը 8.5 կգ քաշ է գցել 6 օրում:



© 2024 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։