Ֆրանսիական ՊՍԺ-ի գլխավոր մարզիչ Թոմաս Տուխելը խոսել է Չեմպիոնների լիգայի խմբային փուլի առաջին տուրի խաղում անգլիական «Մանչեսթեր Յունայթեդից» կրած պարտության պատճառների մասին:
«Ունեցանք շատ խնդիրներ, առաջին խաղակեսում ընդհանրապես դաշտում չէինք: Դա ՊՍԺ-ի մակարդակը չէ, և ես զարմացած եմ, քանի որ մինչև այդ ունեցել էինք լավ խաղեր ու անցկացրել լավ մարզումներ: Չունեինք ինտենսիվություն, ագրեսիվություն, չէինք վերահսկում գնդակը, վատ էինք տեղաշարժվում դաշտում և չցուցադրեցինք մեր ներուժը հակագրոհների ժամանակ: Չեմ կարող ասել, թե ինչու եղավ այդպես: Սա մեր վատագույն խաղերից ու վատագույն առաջին խաղակեսերից էր»,- գերմանացի մասնագետի խոսքը մեջբերում է beIN Sports-ը:
Հիշեցնենք, որ Փարիզում կայացած խաղում ՊՍԺ-ն 1:2 հաշվով պարտվեց «Մանչեսթեր Յունայթեդին», որը պատմության մեջ առաջին անգամ 10 անընդմեջ արտագնա հաղթանակ տարավ բոլոր մրցաշարերում:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։