Հայաստանի ազգային հավաքականի և ռուսական «Տամբովի» հարձակվող Ալեքսանդր Կարապետյանը վնասվածքի պատճառով բաց կթողնի 7-10 օր: Այդ մասին 32-ամյա ֆուտբոլիստը հայտնեց NEWS.am Sport-ի թղթակցի հետ զրույցում:
Վոլգոգրադի «Ռոտորի» դեմ Ռուսաստանի առաջնության 11-րդ տուրի խաղում Ալեքսանդր Կարապետյանը փոխարինման էր դուրս եկել ընդմիջմանը, իսկ 58-րդ րոպեին բացել էր հաշիվը: 68-րդ րոպեին նա փոխարինվել էր մկանային վնասվածքի պատճառով:
«Մկանային պատռվածքից խուսափել եմ: Բժիշկներն ասացին, որ բաց կթողնեմ 7-10 օր: Կարծում եմ, որ կվերականգնվեմ մինչև Հայաստանի հավաքականի առաջիկա խաղերը, գրեթե վստահ եմ: Սակայն դեռ չգիտեմ, թե արդյոք մինչև այդ խաղերը կկարողանամ հանդիպում անցկացնել «Տամբովի» կազմում»,- զրույցում հայտնեց Ալեքսանդր Կարապետյանը:
Հիշեցնենք, որ «Ռոտորին» խփած գոլը Ալեքսանդր Կարապետյանը նվիրել էր Արցախում թուրք-ադրբեջանական ագրեսիային դիմակայող հայրենակիցներին։
Ռուսաստանի ընթացիկ առաջնությունում հայ հարձակվողը մասնակցել է 10 խաղի և դարձել 3 գոլի հեղինակ:
Հայաստանի հավաքականն Ազգերի լիգայում հաջորդ հանդիպումը կանցկացնի նոյեմբերի 15-ին՝ հյուրընկալվելով Վրաստանին: 3 օր անց հայկական թիմը վերջին տուրում կըդնունի Հյուսիսային Մակեդոնիայի հավաքականին:
Դավիթ Եղիազարյան
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։