Կումանը «Բարսելոնային» ֆավորիտ չի համարում Չեմպիոնների լիգայում
12:15 20 հոկտեմբերի, 2020Կատալոնական «Բարսելոնայի» գլխավոր մարզիչ Ռոնալդ Կումանը խոսել է Չեմպիոնների լիգայի մասին:
«Մենք ցանկանում ենք մրցաշարը սկսել ինչպես հարկն է, որպեսզի պահպանենք հանգստությունը: Կլինի բարդ հանդիպում և կարևոր է հաղթել «Կամպ Նոուում»: Լավատեսությամբ ենք սպասում այս խաղին: Չեմ կարող ասել, թե ինչը «Բարսելոնային» չհերիքեց Չեմպիոնների լիգայի նախորդ մրցաշարում: Եթե մենք ձախողվենք այս մրցաշրջանում, ապա ես պատասխանատու կլինեմ դրա համար:
Պետք է ձգտենք տիտղոսներ նվաճել Իսպանիայում ու Եվրոպայում, բայց կան ավելի ուժեղ թիմեր, պետք է ապացուցենք մեր մակարդակը: «Բարսելոնայում» տեղի ունեցածից հետո մենք Չեմպիոնների լիգայի գլխավոր ֆավորիտը չենք, բայց կարող ենք հեռուն գնալ այս մրցաշարում»,- հոլանդացի մասնագետի խոսքը մեջբերում է Marca-ն:
Հիշեցնենք, որ Չեմպիոնների լիգայի առաջին տուրում «Բարսելոնան» հոկտեմբերի 20-ին կմրցի հունգարական «Ֆերենցվարոշի» հետ:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։