«Բոկա Խունիորսը» դատի կտա «Բարսելոնային»
13:10 19 հոկտեմբերի, 2020Արգենտինական «Բոկա Խունիորսը» պատրաստվում է կատալոնական «Բարսելոնայի» դեմ դատական հայց ներկայացնել 18-ամյա ուրուգվայցի պաշտպան Սանտյագո Ռամոս Մինգոյի տրանսֆերի հարցում: Այդ մասին հայտարարել է ակումբի նախագահ Խորխե Ամոր Ամելը:
«Մենք դատի կտանք «Բարսելոնային»: Տեղի ունեցածը թողեց շատ վատ տպավորություն: Ստացվել է այնպես, որ նախորդ ղեկավարությունը շատ վատ է վերաբերվել Մինգոյին: Ես չգիտեմ, թե արդյոք նա ունեցել է ներկայացուցիչ: Մենք դատի կտանք «Բարսելոնային» քանի որ կարծում ենք, որ ունենք իրավունք: Չենք կարող թույլ տալ, որ ինչ-որ մեկը որևէ սխալ բան անի: Տեղի ունեցածը բարբարոսություն է: Այդ խաղացողն ուներ ներուժ»,- Խորխե Ամոր Ամելի խոսքը մեջբերում է Marca-ն:
Հիշեցնենք, որ Մինգոն այս տարվա փետրվարին ազատ գործակալի կարգավիճակով էր տեղափոխվել «Բարսելոնա», որի հետ նրա պայմանագիրը նախատեսված է մինչև 2022-ի ամառ:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։