«Ռոման» հաղթեց, Մխիթարյանը կատարեց 2 գոլային փոխանցում (տեսանյութ)
00:43 19 հոկտեմբերի, 2020Իտալիայի առաջնության չորրորդ տուրում «Ռոման» սեփական խաղադաշտում մրցեց «Բենեւենտոյի» հետ եւ առավելության հասավ 5։2 հաշվով։
Մայրաքաղաքային թիմի կազմում ամբողջ հանդիպումն անցկացրեց Հայաստանի հավաքականի կիսապաշտպան Հենրիխ Մխիթարյանը, որը դարձավ երկու գոլային փոխանցման հեղինակ։ Երկու դեպքում էլ նրա փոխանցումներից հետո աչքի ընկավ բոսնիացի հարձակվող Էդին Ջեկոն։
Առաջին խաղակեսի ավելացված ժամանակում Հենրիխ Մխիթարյանը գրավեց մրցակցի դարպասը, սակայն VAR-ի միջամտությամբ գրանցվեց խաղից դուրս վիճակ։
«Ռոմայի» կազմում գոլ խփեցին նաեւ իսպանացի հարձակվող Պեդրո Ռոդրիգեսը, ֆրանսիացի կիսապաշտպան Ժորդան Վերետուն եւ բրազիլացի պաշտպան Բրունո Պերեսը։
«Ռոման» 7 միավորով 7-րդ տեղում է։ «Բենեւենտոն» 10-րդն է՝ 6 միավոր։
Իտալիայի առաջնություն, չորրորդ տուր
«Ռոմա» - «Բենեւենտո»՝ 5։2 (տեսանյութ)
Պեդրո Ռոդրիգես, 31, Էդին Ջեկո, 35, 78, Ժորդան Վերետու, 69, 11մ, Բրունո Պերես, 89 - Ջանլուկա Կապրարի, 5, Ջանլուկա Լապադուլա, 55
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։