Բաքուն կարող է զրկվել Եվրո-2020-ի խաղերը հյուրընկալելու իրավունքից
19:10 16 հոկտեմբերի, 2020Բաքուն ու Սանկտ Պետերբուրգը կարող են զրկվել Եվրո-2020-ի հանդիպումներ հյուրընկալելու հնարավորությունից: ՈւԵՖԱ-ն քննարկում է Եվրոպայի առաջնության քաղաքների թիվը կրճատելու տարբերակը: Ադրբեջանի մայրաքաղաքը դրանց թվում է, գրում է The Sun-ը:
«Բաքվին վտանգ է սպառնում, քանի որ երկիրը կոնֆլիկտի մեջ է Հայաստանի հետ»,- գրում է բրիտանական պարբերականը:
Ռուսաստանի Սանկտ Պետերբուրգ քաղաքն իր հերթին կարող է Եվրո-2020-ի հանդիպումներ հյուրընկալելու հնարավորությունից զրկվել երկրում կորոնավիրուսի տարածման պատճառով:
Ավելի վաղ ՈւԵՖԱ-ի նախագահ Ալեքսանդր Չեֆերինը չէր բացառել, որ Եվրո-2020-ը հյուրընկալող քաղաքների թիվը կարող է կրճատվել:
Հիշեցնենք, որ կորոնավիրուսի համավարակի պատճառով Եվրոպայի առաջնությունը հետաձգվել էր մեկ տարով և կանցկացվի 2021 թվականի հունիսի 11-ից հուլիսի 11-ը: Եվրոպայի առաջնության եզրափակիչ մրցաշարն առաջին անգամ պետք է տեղի ունենա 12 քաղաքներում՝ Լոնդոնում, Մյունխենում, Հռոմում, Կոպենհագենում, Բուխարեստում, Ամստերդամում, Դուբլինում, Բիլբաոյում, Բուդապեշտում, Սանկտ Պետերբուրգում, Գլազգոյում եւ Բաքվում:
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.