Norway Chess. Լևոն Արոնյանն արմագեդոնում հաղթեց Արյան Տարիին
23:48 15 հոկտեմբերի, 2020Նորվեգական Ստավանգերում շարունակվող Altibox Norway Chess մրցաշարի 9-րդ տուրում հայկական շախմատի առաջատար Լևոն Արոնյանը մրցեց նորվեգացի Արյան Տարիի հետ:
Դասական պարիտան ավարտվեց ոչ ոքի: Արմագեդոնում Լևոն Արոնյանը սև ֆիգուրներով հաղթանակ տարավ 34-րդ քայլում:
Տուրի մյուս պարտիաներում նորվեգացի Մագնուս Կառլսենը դասական պարտիայում հաղթանակ տարավ իրանցի Ալիռեզա Ֆիրուզջայի նկատմամբ: Արմագեդոնում ամերիկացի Ֆաբիանո Կարուանան ուժեղ գտնվեց լեհ Յան Կշիշտոֆ Դուդայից:
9-րդ տուրից հետո առաջատարը նորվեգացի Մագնուս Կառլսենն է՝ 19.5 միավորով: Երկրորդ տեղում իրանցի Ալիզեռա Ֆիրուջան է՝ 15.5 միավորով: Լևոն Արոնյանը ունի 14.5 միավոր և երրորդ տեղում է: Արոնյանին հաջորդում են Ֆաբիանո Կարուանան, Յան Կշիշտոֆ Դուդան, իսկ վերջին տեղում Արյան Տարին է:
10-րդ տուրում Լևոն Արոնյանի մրցակիցը կլինի առաջատար Մագնուս Կառլսենը:
Altibox Norway Chess-ում հաղթանակի համար տրվում է 3 միավոր, արմագեդոնում հաղթողը հավաքում է 1.5 միավոր, իսկ պարտվողը՝ 1։ Ոչ ոքիի դեպքում գրոսմայստերները նույն խաղաքարերով մրցում են արմագեդոնում:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։