Լեբրոն Ջեյմսը պատմական ռեկորդներ է սահմանել NBA-ում
20:49 12 հոկտեմբերի, 2020«Լոս Անջելես Լեյքերսի» առաջատար Լեբրոն Ջեյմսը Բասկետբոլի ազգային ասոցիացիայի (NBA) եզրափակիչ շարքում «Մայամիի» նկատմամբ հաղթանակի արդյունքում սահմանել է մի շարք ռեկորդներ, hաղորդում է NBA-ի մամուլի ծառայությունը:
Եզրափակիչ շարքում 34-ամյա ամերիկացու միջին արդյունավետությունը կազմել է 29.8 միավոր: Ջեյմսը NBA-ի պատմության միակ բասկետբոլիստն է, որը չեմպիոն է դառնում 3 տարբեր ակումբների հետ՝ փլեյ-օֆֆում գրանցելով +25 միջին արդյունավետություն: Լեբրոնը NBA-ի եզրափակիչում թրիփլ-դաբլների ցուցանիշը հասցրեց ռեկորդային 11-ի:
Ջեյմսը 260-րդ հանդիպումն անցկացրեց NBA-ի փլեյ-օֆֆում՝ մեկ խաղով գերազանցելով Դերեկ Ֆիերի ռեկորդը:
Լեբրոն Ջեյմսը դարձավ NBA-ի եզրափակիչում թրիփլ-դաբլ գրանցած ամենատարեց խաղացողը (35 տարեկան, 286 օրական) և շրջանցեց Էլջին Բեյլորին (35 տարեկան, 225 օրական): Նա նաև NBA-ի պատմության միակ խաղացողն է, որը NBA-ի մեկ եզրափակիչ շարքում նվազագույնը հավաքում է 150 միավոր, գրանցում 50 անդրադարձ ու 50 փոխանցում:
Լեբրոնը նաև առաջինն է, որը NBA-ի եզրափակիչ շարքի ամենաարժեքավոր խաղացող է ճանաչվում 3 տարբեր թիմերում: Նախկինում նա լավագույնն էր ճանաչվել նաև «Մայամիի» ու «Քլիվլենդի» կազմում:
Հիշեցնենք, որ Լեբրոն Ջեյմսը NBA-ի քառակի չեմպիոն է:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։