Ֆուտբոլի Հայաստանի Պրեմիեր լիգայի ներկայացուցիչներ Երևանի «Արարատը» և «Ուրարտուն» հոկտեմբերի 10-ին ստուգողական հանդիպում են անցկացրել Ավանի Ֆուտբոլի ակադեմիայում: «Արարատը» 2:1 հաշվով հաղթել է կորտիվուարցի հարձակվող Մորի Կոնեի ու սերբ կիսապաշտպան Իգոր Ստանոևիչի գոլերի շնորհիվ: «Ուրարտուից» հաշիվը երկրորդ խաղակեսում կրճատել է 20-ամյա կիսապաշտպան Տիգրան Այունցը:
Խաղից առաջ թիմերը մեկ րոպե լռությամբ հարգել են Արցախում ընթացող թեժ մարտերում արիաբար զոհված հայ զինվորների հիշատակը:
Հիշեցնենք, որ Հայաստանում հայտարարված ռազմական դրության պատճառով սեպտեմբերի 29-ից անորոշ ժամկետով դադարեցվել են ՀՖՖ հովանու ներքո անցկացվող բոլոր մրցաշարերը:
Ընկերական խաղ
«Արարատ» - «Ուրարտու»՝ 2:1
Մորի Կոնե, 6, Իգոր Ստանոևիչ, 34 - Տիգրան Այունց, 51
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։