Ֆուտբոլի Հայաստանի կրկնակի չեմպիոն «Արարատ-Արմենիան» Եվրոպայի լիգայի որակավորման վերջին՝ փլեյ-օֆֆ փուլում Կիպրոսի մայրաքաղաք Նիկոսիայի GSP ստադիոնում մրցում էր Սերբիայի չեմպիոն «Ցրվենա Զվեզդայի» հետ:
Դավիդ Կամպանյայի գլխավորած թիմը պարտություն կրեց 1:2 հաշվով և դուրս մնաց մրցաշարից: Սերբական թիմի առաջին գոլը 45-րդ րոպեին խփել է Ալեկսանդար Կատային: «Ցրվենա Զվեզդայի» առավելությունը 60-րդ րոպեին կրկնապատկել է Դիեգո Ֆալչինելին: «Արարատ-Արմենիայի» միակ գոլը 72-րդ րոպեին խփել է Մաիլսոն Լիման:
«Արարատ-Արմենիան» եվրագավաթներում պայքարը սկսել էր Չեմպիոնների լիգայի որակավորման առաջին փուլից, որտեղ լրացուցիչ ժամանակում նվազագույն հաշվով պարտվել էր Կիպրոսի «Օմոնիային» և պայքարը շարունակում է Եվրոպայի լիգայում: Եվրոպայի լիգայի որակավորման երկրորդ փուլում հայկական ակումբը լրացուցիչ ժամանակում 4:3 հաշվով հաղթել էր Լյուքսեմբուրգը ներկայացնող «Ֆոլային», իսկ նախորդ փուլում դարձյալ լրացուցիչ ժամանակում ուժեղ էր գտնվել Սլովենիայի չեմպիոն «Ցելյեից»՝ 1:0:
«Արարատ-Արմենիան» պատմական հաջողությանը մոտ էր նաև նախորդ տարի, բայց Եվրոպայի լիգայի որակավորման փլեյ-օֆֆ փուլում հետխաղյա 11 մետրանոցներով պարտվեց Լյուսեմբուրգի «Դյուդելանժին»:
Եվրոպայի լիգա, որակավորման փլեյ-օֆֆ փուլ
«Արարատ-Արմենիա» - «Ցրվենա Զվեզդա»՝ 1:2
Մաիլսոն Լիմա, 72 - Ալեկսանդար Կատայի, 45, Դիեգո Ֆալչինելի, 60
Ovako je Zvezda povela protiv Ararata
Posted by FK Crvena zvezda on Thursday, October 1, 2020
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։