«Միլանը» ձեռք բերեց Եվրոպայի լիգայում իրեն գոլ խփած 20-ամյա ֆուտբոլիստին (ֆոտո)
14:07 1 հոկտեմբերի, 2020Իտալական «Միլանը» պաշտոնապես հայտարարել է նորվեգական «Բուդե-Գլիմտի» հարձակվող Յենս Պետեր Հաուգեի տեղափոխության մասին:
20-ամյա նորվեգացին իտալական ակումբի հետ պայմանագիր է կնքել մինչև 2025-ի հունիսի 30-ը: «Միլանում» Հաուգեն հանդես կգա 15 համարի մարզաշապիկով: Transfermarkt-ը նրա տրանսֆերը գնահատում է 5 միլիոն եվրո:
Հաուգեն «Միլանի» ուշադրության կենտրոնում հայտնվել էր Եվրոպայի լիգայի որակավորման երրորդ փուլի խաղից հետո: Այդ խաղում «Բուդե-Գլիմտը» հյուրընկալվելիս 2:3 հաշվով պարտվել էր «Միլանին», իսկ նորվեգացի հարձակվողը դարձել էր գոլի ու գոլային փոխանցման հեղինակ: Հարձակվողը հանդես է գալիս Նորվեգիայի երիտասարդական հավաքականում:
Official Statement: Jens Petter Hauge https://t.co/gb3HSkfkXU
— AC Milan (@acmilan) October 1, 2020
Comunicato Ufficiale: Jens Petter Hauge https://t.co/tmyKxGJuSM#ReadyToUnleash #SempreMilan pic.twitter.com/kOD4zL67wr
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։