Ֆուտբոլի Հայաստանի կրկնակի չեմպիոն «Արարատ-Արմենիան» հոկտեմբերի 1-ին Եվրոպայի լիգայի որակավորման վերջին՝ փլեյ-օֆֆ փուլում մեկխաղա դիմակայությունում կմրցի Սերբիայի չեմպիոն «Ցրվենա Զվեզդայի» հետ: Հանդիպումը կանցկացվի Կիպրոսի մայրաքաղաք Նիկոսիայի GSP ստադիոնում և կմեկնարկի Երևանի ժամանակով 21:00-ին:
Իտալական «Ինտերի», «Լացիոյի» ու Սերբիայի հավաքականի լեգենդար կիսապաշտպան Դեյան Ստանկովիչի գլխավորած թիմը եվրագավաթների այս մրցաշրջանում Չեմպիոնների լիգայի որակավորման առաջին փուլից՝ 5:0 հաշվով տնային հաղթանակ տանելով Ջիբրալթարը ներկայացնող «Եվրոպայի» նկատմամբ: Երկրորդ փուլում Սերբիայի չեմպիոնը հյուրընկալվելիս նվազագույն հաշվով ուժեղ է գտնվել ալբանական «Տիրանայից», իսկ հաջորդ փուլում հետխաղյա 11 մետրանոցներով պարտվել է Կիպրոսի «Օմոնիային» և պայքարը շարունակում է Եվրոպայի լիգայում:
Սերբիայի ընթացիկ առաջնության 9 տուրերում «Ցրվենա Զվեզդան» տարել է նույնքան հաղթանակ և 100 տոկոսանոց ցուցանիշով գլխավորում է մրցաշարային աղյուսակը: 9 խաղերում թիմը խփել է 31 գոլ և բաց թողել 3 գնդակ:
Ներկայացնում ենք «Ցրվենա Զվեզդայի» խփած բոլոր գոլերը վերջին խաղերում:
Եվրոպայի լիգայի որակավորման առաջին փուլ
«Ցրվենա Զվեզդա» - «Եվրոպա» (Ջիբրալթար)՝ 5:0
Եվրոպայի լիգայի որակավորման երկրորդ փուլ
«Տիրանա» (Ալբանիա) - «Ցրվենա Զվեզդա»՝ 0:1
Չեմպիոնների լիգայի որակավորման երրորդ փուլ
«Օմոնիա» (Կիպրոս) - «Ցրվենա Զվեզդա»՝ 1:1 (11 մետրանոցներով՝ 4:2)
Սերբիայի առաջնություն, 9-րդ տուր
«Մլադոստ» - «Ցրվենա Զվեզդա»՝ 0:4
Սերբիայի առաջնություն, 8-րդ տուր
«Ցրվենա Զվեզդա» - «Վոզդովաց»՝ 6:0
Սերբիայի առաջնություն, 7-րդ տուր
«Չուկարիչկի» - «Ցրվենա Զվեզդա»՝ 1:3
Սերբիայի առաջնություն, 5-րդ տուր
«Ցրվենա Զվեզդա» - «Բաչկա Տոպալա»՝ 5:0
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։