«Ալաշկերտը» պատրաստ է հնարավոր ամեն ինչով օգնություն ցուցաբերել զինվաժ ուժերին. Ակումբի սեփականատիրոջ ուղերձը
11:11 30 սեպտեմբերի, 2020«Ալաշկերտի» հիմնադիր-սեփականատեր Բագրատ Նավոյանը հայտարարել է, որ ակումբը պատրաստ է հնարավոր ամեն ինչով օգնություն ցուցաբերել մեր հզոր բանակին և զինվորներին` անհրաժեշտության դեպքում` ընդհուպ մինչև սահման մեկնելը:
«Սիրելի հայրենակիցներ, ինչպես գիտեք, ֆուտբոլում ներկայումս դադար է հայտարարված: «Ալաշկերտ» ֆուտբոլային ակումբը պատրաստ է հնարավոր ամեն ինչով օգնություն ցուցաբերել մեր հզոր բանակին և զինվորներին` անհրաժեշտության դեպքում` ընդհուպ մինչև սահման մեկնելը:
Հայաստանի անխուսափելի հաղթանակում իրենց փոքրիկ, բայց ի սրտե ավանդն են ցանկանում ունենալ նույնիսկ մեր արտասահմանցի ֆուտբոլիստները:
«Ալաշկերտի» ակումբային ավտոբուսն արդեն տրամադրված է Երևան - Արցախ և հակառակ ուղղությունով մարդկանց և անհրաժեշտ իրեր տեղափոխելու համար:
ՀԱՂԹԵԼՈՒ ԵՆՔ»,- Բագրատ Նավոյանի ուղերձը փոխանցում է «Ալաշկերտի» մամուլի ծառայությունը:
Սեպտեմբերի 27-ին՝ ժամը 07:15-ի սահմաններում, Ադրբեջանի բանակը, օգտագործելով հրետանային միջոցներ ու հարվածային ԱԹՍ-ներ, հարձակման է անցել արցախա-ադրբեջանական հակամարտ զորքերի շփման գծի ամբողջ երկայնքով՝ թիրախավորելով նաեւ խորը թիկունքում տեղակայված բնակավայրերը, այդ թվում՝ մայրաքաղաք Ստեփանակերտը: Մարտերը շարունակվում են:
«Ալաշկերտի» հիմնադիր-սեփականատեր Բագրատ Նավոյանի ուղերձը: «Սիրելի հայրենակիցներ, ինչպես գիտեք, ֆուտբոլում ներկայումս...
Posted by FC Alashkert on Wednesday, September 30, 2020
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։