Կիևում անցկացված սպորտային մարմնամարզության ավանդական մրցաշարում Հայաստանի թիմը նվաճեց 11 մեդալ։
Բազմամարտում երևանցի Արթուր Դավթյանը գրավեց երկրորդ տեղը: Նրա կրտսեր թիմակից Գագիկ Խաչիկյանը երրորդը ճանաչվեց երիտասարդների խմբում: Նրանց արդյունավետ մրցելույթների շնորհիվ Հայաստանի հավաքականը թիմային պայքարում գրավեց երկրորդ տեղը, հաղորդում է ՀԱՕԿ լրատվականը:
Օղակներ մրցաձևում առաջին և երկրորդ տեղերը գրավեցին համապատասխանաբար Վահագն Դավթյանը և Արթուր Դավթյանը: Նույն մրցաձևի երիտասարդների պայքարում Գագիկ Խաչիկյանը երրորդն էր: Նա երկրորդն էր նժույգի վարժությունում:
Արթուր Դավթյանը և երիտասարդ Գագիկ Խաչիկյանը նույն հաջորդականությամբ երրորդն էին հենացատկի և զուգափայտի մրցումներում:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։