Նոբել Առուստամյան․ Ադրբեջանի իշխանությունը պետք է պատասխանատվություն կրի հերթական էսկալացիայի համար

18:35   28 սեպտեմբերի, 2020

Ռուսաստանցի ֆուտբոլային մեկնաբան Նոբել Առուստամյանն անդրադարձել է Արցախի դեմ Ադրբեջանի ագրեսիային՝ գրառում անելով Ինստագրամում։

«Սարսափով ստիպված ենք դարձյալ կարդալ եւ լսել  Լեռնային Ղարաբաղում պատերազմի մասին: Նորից զոհվում են զինվորներ երկու կողմից էլ, նորից Ղարաբաղում հրետակոծության տակ է խաղաղ հայ բնակչությունը: Ո՛չ, պատերազմին: Հայաստանն ու հայ ժողովուրդն ամբողջ աշխարհում դեմ են հակամարտության ռազմական լուծմանը։

Ես չեմ կասկածում, որ Ադրբեջանի խաղաղ բնակչությունը նույնպես հասկանում է, որ պատերազմով հիմնախնդիրը չես լուծի, այլ ավելի կխորացնես։ Միայն սրիկաներն ու տականքները կարող են սադրել իրավիճակը:

Ադրբեջանի իշխանությունը պետք է հասկանա ու պատասխանատվություն կրի գործողությունների եւ հակամարտության հերթական էսկալացիայի համար։ Ամեն ողջամիտ մարդ հասկանում է, թե ով, ում հետ եւ ինչու է սադրում զինված հակամարտություն:

Ես կոչ եմ անում երկու ժողովուրդներին, հատկապես, երիտասարդ  մարդկանց սերնդին կոչ անել իշխանությանը՝ դադարեցնելու պատերազմը, չտրվել ռազմական հռետորաբանությանը: Մենք պետք է կանգնեցնենք սա: Ղարաբաղյան հակամարտությունը հնարավոր է ու պետք է լուծել միայն խաղաղ ճանապարհով: Կյանքն ամենաարժեքավորն է, որ ունի մարդը»,- գրել է Նոբել Առուստամյանը:



© 2024 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։