Զիդան. Այս «Բարսելոնան» կարող է պայքարել բոլոր տիտղոսների համար
14:11 26 սեպտեմբերի, 2020Մադրիդի «Ռեալի» գլխավոր մարզիչ Զինեդին Զիդանը կարծիք է հայտնել, որ կատալոնական «Բարսելոնան» բավականաչափ ուժեղ է, որպեսզի այս մրցաշրջանում պայքարի բոլոր տիտղոսների համար:
«Կլինեմ հարգալից: Բացի այդ, ես չգիտեմ, թե ինչ է կատարվում թիմի ներսում, այդ պատճառով չեմ ցանկանում միջամտել: Կարծում եմ՝ յուրաքանչյուր ակումբ ունի իր խնդիրներն ու դժվարությունները: Կարծում եմ, որ թիմի ու կազմի առումով «Բարսելոնան» այն ակումբն է, որը կպայքարի բոլոր տիտղոսների համար: Ես չեմ կասկածում այդ հարցում»,- ֆրանսիացի մասնագետի խոսքը մեջբերում է AS-ը:
Հիշեցնենք, որ նախորդ մրցաշրջանում «Բարսելոնան» տիտղոս չէր նվաճել, իսկ այս ամռանը թիմը գլխավորել էր հոլանդացի մասնագետ Ռոնալդ Կումանը: Այս տրանսֆերային պատուհանի ընթացքում կատալոնական ակումբից հեռացան Լուիս Սուարեսը, Արտուրո Վիդալը, Իվան Ռակիտիչը, Արտուրն ու Նելսոն Սամեդուն:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։