Մադրիդի «Աթլետիկոյից» վարձակալությամբ Թուրինի «Յուվենտուս» տեղափոխված իսպանացի հարձակվող Ալվարո Մորատան իտալացի Անդրեա Պիրլոյի գլխավորած թիմի հետ անցկացրած առաջին մարզումներից հետո պատմել է տպավորությունների մասին։ Նա հանդես կգա 9 համարի խաղաշապիկով։
«Պիրլոն հրաշալի տպավորություն թողեց, նա ստեղծված է լինելու մարզիչ։ Դա այն է, ինչ պետք է «Յուվենտուսին»։ Արդեն երկու մարզումից հետո տպավորված եմ, թե ինչպես է նա կառավարում թիմը։
Ռոնալդուի հետ ես միշտ ունեցել եմ շատ լավ հարաբերություններ։ Նա ուրախ է իմ գալուն «Յուվենտուս»։
Իտալիայի անցած առաջնության շատ հանդիպումներ եմ դիտել։ Ա Սերիան ավելի բարդ է դարձել։ «Յուվենտուսի» համար շատ կարեւոր է Չեմպիոնների լիգան։ Եթե այս մրցաշրջանում կարողանանք հաղթել այդ մրցաշարում, ես կլինեմ աշխարհի ամենաերջանիկ մարդը»,- Մորատայի խոսքը մեջբերում է «Յուվենտուսի» մամուլի ծառայությունը։
Իսպանիայի հավաքականի 27-ամյա ֆուտբոլիստը «Յուվենտուսում» հանդես է եկել նաեւ 2014-2016-ին՝ դառնալով Իտալիայի կրկնակի չեմպիոն եւ գավաթակիր, սուպերգավաթակիր։
«É l’opportunità della mia vita». Le parole di @AlvaroMorata all'inizio di questa nuova avventura in bianconero https://t.co/66sjiAUWFv
— JuventusFC (@juventusfc) September 25, 2020
️#MoreMorata pic.twitter.com/aTaDBmbdLY
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։