Իտալական «Միլանի» 38-ամյա շվեդ հարձակվող Զլատան Իբրահիմովիչը վարակվել է կորոնավիրուսով, հաղորդում է ակումբի մամուլի ծառայությունը։
Նա չի մասնակցի նորվեգական «Բոդու-Գլիմտայի» դեմ Եվրոպայի լիգայի որակավորման երրորդ փուլի տնային խաղին, որը տեղի կունենա սեպտեմբերի 24-ին։ Իբրահիմովիչն ինքնամեկուսացել է տանը։
«Երեկ թեստիս պատասխանը բացասական էր, այսօր՝ դրական։ Ոչ մի ախտանիշ չեմ ունեցել։
Կորոնավիրուսը համարձակություն ունեցավ մարտահրավեր նետել ինձ։ Վատ միտք է»,- Թվիթերում գրել է Իբրահիմովիչը։
Ավելի վաղ հայտնի էր դարձել, որ կորոնավիրուսով վարակվել է նաեւ «Միլանի» պաշտպան Լեոնարդո Դուարտեն։
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։