Դի Մարիա. Ես սխալվեցի

Փարիզի ՊՍԺ-ի արգենտինացի կիսապաշտպան Անխել Դի Մարիան ափսոսանք է հայտնել «Մարսելի» հետ Ֆրանսիայի առաջնության երկրորդ տուրի խաղում (0:1) տեղի ունեցած միջադեպի համար: «Մարսելի» իսպանացի պաշտպան Ալվարո Գոնսալեսի վրա թքելու պատճառով 32-ամյա ֆուտբոլիստը որակազրկվել է 4 խաղով:

«Իմ արածը լսածս խոսքերի արձագանքն էր: Դա դուր չեկավ ինձ: Պետք է ինձ վրա վերցնեմ պատասխանատվությունը: Ես սխալվեցի: Պատժամիջոցն արդարացի էր»,- Դի Մարիայի խոսքը մեջբերում է Radio Continental-ը:

Հիշեցնենք, որ Ֆրանսիայում թքելը լուրջ խախտում է կորոնավիրուսի մասին արձանագրությունում: