23-ամյա դարպասապահը՝ «Մանչեսթեր Յունայթեդում» նորամուտի մասին. Ամբողջ կյանքում երազել էի այդ մասին
14:46 23 սեպտեմբերի, 2020Անգլիայի հավաքականի դարպասապահ Դին Հենդերսոնը «Մանչեսթեր Յունայթեդի» կազմում նորամուտը նշելուց հետո կիսվել է տպավորություններով: Սեպտեմբերի 22-ին 23-ամյա դարպասապահը մեկնարկային կազմում մասնակցել էր «Լութոն Թաունի» դեմ Անգլիական լիգայի գավաթի խաղարկության 1/16 եզրափակիչի խաղին (3:0):
«Ամբողջ կյանքում երազել էի այդ մասին: Սիրելի ակումբի կազմում նորամուտը նշելն անհավանական զգացողություն է: «Չոր» հանդիպումն ու հաղթանակն ի լրումն է ամենի»,- թվիթերյան էջում գրել է Դին Հենդերսոնը:
Հիշեցնենք, որ վերջին տարիներին Հենդերսոնը վարձավճարով հանդես էր գալիս այլ ակումբներում և անցկացրել էր 114 հանդիպում: Վերջերս նա մինչև 2025 թվականը երկարաձգել էր «Մանչեսթեր Յունայթեդի» հետ պայմանագիրը, ինչպես նաև առաջին անգամ հրավիրվել էր Անգլիայի ազգային հավաքական:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։