Մադրիդի «Ռեալի» նորվեգացի կիսապաշտպան Մարտին Էդեգորը կորոնավիրուսի դրական թեստ է հանձնել «Ռեալ Սոսյեդադի» հետ ֆուտբոլի Իսպանիայի առաջնության առաջին տուրի խաղից հետո, հաղորդում է նորվեգական VG-ն:
Այժմ Արքայական ակումբում սպասում են 21-ամյա ֆուտբոլիստի երկրորդ թեստի պատասխանին: Եթե երկրորդ թեստի պատասխանը ևս լինի դրական, ապա ամբողջ թիմին սպասում է ինքնամեկուսացում:
«Ռեալ Սոսյեդադի» բոլոր ֆուտբոլիստները ևս հանձնել են թեստեր, որոնք բացասական են եղել:
Հիշեցնենք, որ «Ռեալի» ու «Ռեալ Սոսյեդադի» միջև խաղը տեղի էր ունեցել սեպտեմբերի 20-ին և ավարտվել էր 0:0 հաշվով: Էդեգորը մեկնարկային կազմում հանդես էր եկել 69 րոպե:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։