Ֆուտբոլի Պերուի առաջնության 13-րդ տուրում «Ունիվերսիդադ Կախամարկան» 1:1 հաշվով է ավարտել «Սան Մարտինի» դեմ արտագնա հանդիպումը:
Հյուրերի պատասխան գոլը 55-րդ րոպեին խփել է Հայաստանի հավաքականի նախկին հարձակվող Մաուրո Գևգեոզյանը: 34-ամյա ֆուտբոլիստը մասնակցել է ամբողջ խաղին և ստացել նաև դեղին քարտ:
«Ունիվերսիդադ Կախամարկան» 22 միավորով երկրորդ տեղում է և 7 միավոր է հետ առաջատարից:
Հիշեցնենք, որ Մաուրո Գևգեոզյանը Հայաստանի ազգային հավաքականի կազմում 2 ընկերական հանդիպում է անցկացրել 2014-ին։ Նա այս տարվա հունվարին էր միացել «Ունիվերսիդադ Կախամարկային»: Հարձակվողի նախորդ ակումբն էր Արգենտինայի առաջին դիվիզիոնում հանդես եկող «Տեմպերլեյը»:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։