Ամերիկյան New York Times-ն անդրադարձել է Համաշխարհային շախմատային օլիմպիադայում Հայաստանի երրորդ չեմպիոնական տիտղոսին։ Պարբերականը նշում է, որ Արեւելյան Եվրոպայի երկրները գերիշխում են համաշխարհային շախմատում, եւ դրա հնարավոր պատճառներից է այն, որ այդ երկրների գրեթե յուրաքանչյուր բնակիչը շախմատի մոլի երկրպագու է։
New York Times-ի շախմատային վերլուծաբան Դիլան Լյոբ Մաքքլեյնը նկարագրում է հայրենիք վերադառնալուց հետո Հայաստանի հավաքականին մատուցած ջերմ ընդունելությունը, հազարավոր քաղաքացիների ներկայությունը Ազատության հրապարակում տեղի ունեցած դիմավորման ժամանակ եւ ընդունելությունը նախագահական նստավայրում։ Նա ավելացնում է, որ դժվար է պատկերացնել, թե շախմատի ԱՄՆ-ի հավաքականը երբեւէ կարժանանա այդպիսի դիմավորման հայրենիքում։
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։