«Ռոմային» գրանցվել է 0։3 հաշվով տեխնիկական պարտություն «Վերոնայի» հետ Իտալիայի առաջնության առաջին տուրի խաղում, որն ավարտվել էր ոչ ոքի՝ 0։0, հաղորդում է Իտալիայի առաջնության պաշտոնական կայքը։ «Ռոման» պաշտոնական հաղորդագրություն դեռ չի տարածել։
Հանդիպմանը մասնակցած Գվինեայի հավաքականի կիսապաշտպան Ամադու Դիավան նոր մրցաշրջանի համար հայտում ընդգրկված է որպես մինչեւ 22 տարեկան խաղացող, թեեւ հուլիսի 17-ին դարձել է 23 տարեկան։
Ա Սերիայից «Ռոմային» առաջնության մեկնարկից առաջ զգուշացրել են սխալի մասին, սակայն մայրաքաղաքային ակումբը փոփոխություն չի կատարել, քանի որ 23-ից բարձր տարիքի ֆուտբոլիստների չորս տեղ դեռ ազատ է։ Այդ հիմնավորմամբ, հռոմեական ակումբը բողոքարկել է որոշումը, սակայն ապարդյուն։
2016թ․ օգոստոսին «Սասուոլոն» Իտալիայի առաջնության խաղում «Պեսկարային» 2։1 հաշվով հաղթելուց հետո նման սխալի համար ստացել էր տեխնիկական պարտություն 0։3 հաշվով։
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։