Saint Louis Rapid & Blitz. Լևոն Արոնյանը հաղթեց Լենիեր Դոմինգեսին

01:23   18 սեպտեմբերի, 2020

Հայկական շախմատի առաջատար Լեւոն Արոնյանը 2020 Saint Louis Rapid & Blitz օնլայն մրցաշարի արագ խաղի 9-րդ տուրում հաղթանակ է տարել ամերիկացի Լենիեր Դոմինգեսի նկատմամբ:

Սպիտակներով Լևոն Արոնյանն առավելության է հասել Դոմինգեսի նկատմամբ 38-րդ քայլում:

Սեպտեմբերի 17-ին տեղի ունեցած մյուս 2 պարտիաներում Լևոն Արոնյանը 7-րդ տուրում պարտվել էր ամերիկացի Հիկարու Նակամուրային, իսկ 8-րդ տուրում՝ ամերիկացի Ուեսլի Սոյին:

2020 Saint Louis Rapid & Blitz մրցաշարի մրցաշարային աղյուսակում Լևոն Արոնյանն արագ խաղի 9 տուրերից հետո 18 հնարավորից ունի 9 միավոր և 5-րդ տեղում է: Առաջատարը նորվեգացի Մագնուս Կարլսենն է՝ 12 միավորով: Երկրորդ տեղում 11 միավորով ամերիկացի Ուեսլի Սոն է, իսկ երրորդ տեղում ռուսաստանցի Յան Նեպոմնյաշչին է՝ 10 միավորով:

Հիշեցնենք, որ նախորդ տուրերում Արոնյանը հաղթել էր իրանցի Ալիռեզա Ֆիրուջային, ռուսաստանցի Ալեքսանդր Գրիշչուկին, ոչ ոքի խաղացել ռուսաստանցի Յան Նեպոմնյաշչու հետ, պարտվել Մագնուս Կարլսենին, ոչ ոքի խաղացել հնդիկ Պենտալա Հարիկրիշնայի եւ ամերիկացի Ջեֆրի Սյոնի հետ։

Մրցանակային հիմնադրամը 250 հազար դոլար է, հաղթողը կստանա 50 հազար դոլար։ 10 մասնակիցները կանցկացնեն արագ խաղի (25+5) 9 տուր եւ կայծակնային խաղի (5+3) 18 տուր։ Մրցաշարը կավարտվի սեպտեմբերի 19-ին։



© 2024 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։