«Մանչեսթեր Սիթին» մոտ 90 միլիոն եվրո է առաջարկել «Աթլետիկոյի» պաշտպանի համար

18:11   14 սեպտեմբերի, 2020

Անգլիայի փոխչեմպիոն «Մանչեսթեր Սիթին» ցանկանում է ձեռք բերել Մադրիդի «Աթլետիկոյի» կենտրոնական պաշտպան Խոսե Խիմենեսին։ Մանչեսթերյան ակումբը 25-ամյա ուրուգվայցի ֆուտբոլիստի համար «Աթլետիկոյին» առաջարկել է 89 միլիոն եվրո, գումարած 5 միլիոն եվրո բոնուսներ հետագայում, հաղորդում է իսպանական AS-ը։

Իսպանական ակումբը պահանջում է Խոսե Խիմենեսի պայմանագրով սահմանված 120 միլիոն եվրո տրանսֆերային գինը։

«Աթլետիկոյի» արգենտինացի գլխավոր մարզիչ Դիեգո Սիմեոնեն ֆուտբոլիստին հորդորել է մնալ թիմում։

Խոսե Խիմենեսը «Աթլետիկոյում» հանդես է գալիս 2013 թվականից։

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։