Վիճաբանություն և 5 կարմիր քարտ. Ինչո՞ւ է Նեյմարը հարվածել «Մարսելի» պաշտպանին
11:45 14 սեպտեմբերի, 2020Ֆրանսիայի չեմպիոն ՊՍԺ-ն երկրորդ հանդիպումն անցկացրեց Ֆրանսիայի առաջնությունում եւ դարձյալ պարտություն կրեց նվազագույն հաշվով։
Գերմանացի Թոմաս Տուխելի գլխավորած թիմը երրորդ տուրում մրցեց «Մարսելի» հետ։ Ավելացված ժամանակում ֆուտբոլիստների միջեւ վիճաբանության հետեւանքով հեռացվեցին Լեյվին Կուրզավան (ՊՍԺ), Լեանդրո Պարեդեսը (ՊՍԺ), Նեյմարը (ՊՍԺ), Դարիո Բենեդետոն («Մարսել») եւ Ժորդան Ամավին («Մարսել»)։
Հանդիպման ավարտից հետո Նեյմարը հայտարարել է, որ վիճաբանության պատճառը եղել է «Մարսելի» պաշտպան Ալվարո Գոնսալեսի ռասիստական արտահայտությունները:
«Ափսոսում եմ, որ չեմ կարողացել համարժեք պատասխան տալ Գոնսալեսին: Նա ինձ անվանեց «սև», իսկ մեր թիմի ֆուտբոլիստներից մեկին՝ «կեխտոտ կապիկ»»,- Նեյմարի խոսքը փոխանցում է L'Equipe-ն:
Հիշեցնենք, որ Նեյմարը խաղադաշտից հեռացվել է Ալվարո Գոնսալեսին բռունցքով հարվածելու պատճառով:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։