Արոնյանը ոչ ոքի խաղաց Կասպարովի հետ եւ Կարլսենի հետ կիսում է առաջին տեղը

22:57   13 սեպտեմբերի, 2020

Շախմատ-960-ի (Ֆիշերի շախմատ) Chess9LX օնլայն մրցաշարի 7-րդ տուրում հայկական շախմատի առաջատար Լևոն Արոնյանը սպիտակներով մրցեց աշխարհի 13-րդ չեմպիոն, 57-ամյա ռուսաստանցի Գարի Կասպարովի հետ, որն ավարտել է շախմատային կարիերան 2005-ին։ 48-րդ քայլում գրոսմայստերները համաձայնեցին ոչ ոքի արդյունքի։

Լեւոն Արոնյանն աշխարհի չեմպիոն, նորվեգացի Մագնուս Կարլսենի հետ կիսում է առաջին տեղը՝ 5-ական միավոր։ Կարլսենը 7-րդ տուրում պարտության էր մատնել ռուսաստանցի Պյոտր Սվիդլերին։

Նախորդ 6 տուրերում Արոնյանը ոչ ոքի էր խաղացել ամերիկացիներ Ֆաբիանո Կարուանայի, Հիկարու Նակամուրայի եւ Ուեսլի Սոյի հետ, հաղթել իրանցի Ալիռեզա Ֆիրուջային, ռուսաստանցի Պյոտր Սվիդլերին եւ ԱՄՆ-ի ներկայացուցիչ Լենիեր Դոմինգեսին։

Վերջին 2 տուրերում Արոնյանի մրցակիցները կլինեն ֆրանսիացի Մաքսիմ Վաշյե-Լագրավը եւ Մագնուս Կարլսենը։

Մրցանակային հիմնադրամը 150 հազար ԱՄՆ դոլար է:



© 2024 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։