Լյուիս Հեմիլթոնը՝ Տոսկանայի Մեծ մրցանակի հաղթող

20:09   13 սեպտեմբերի, 2020

«Մերսեդեսի» բրիտանացի մրցարշավորդ Լյուիս Հեմիլթոնի հաղթանակով ավարտվեց Իտալիայի «Մուջելո» ավտոարշավարանում անցկացված Ֆորմուլա-1-ի 9-րդ փուլը՝ Տոսկանայի Մեծ մրցանակը։

Երկրորդ տեղը գրավեց նրա թիմակից, Ֆինլանդիայի ներկայացուցիչ Վալտերի Բոտասը։

Կարիերայում առաջին անգամ եռյակում հայտնվեց «Ռեդ Բուլի» ավտոարշավորդ Ալեքսանդր Ալբոնը (Թաիլանդ)։

Մաքս Ֆերստապենն («Ռեդ Բուլ») եւ նախորդ փուլի հաղթող Պիեր Գասլին («Ալֆա Տաուրի») բախվեցին երկրորդ շրջադարձում եւ դուրս մնացին պայքարին։

Վթարների պատճառով մրցումը երկու անգամ դադարեցվել է կարմիր դրոշներով, եւ ավտոարշավորդները մեկնարկել են տեղից։ Եզրագիծ է հասել 12 մասնակից։

Ընդհանուր հաշվարկի առաջատարը Լյուիս Հեմիլթոնն է՝ 190 միավոր։ Երկրորդ տեղում է Վալտերի Բոտասը՝ 135։ Եռյակը եզրափակում է Մաքս Ֆերստապենը՝ 110։

Ֆորմուլա-1, 9-րդ փուլ, Տոսկանայի Մեծ մրցանակ 
1. Լյուիս Հեմիլթոն (Մեծ Բրիտանիա, Mercedes)
2. Վալտերի Բոտաս (Ֆինլանդիա, Mercedes)՝ + 4,880
3. Ալեքսանդր Ալբոն (Թաիլանդ, Red Bull)՝ + 8,064
4. Դանիել Ռիկարդո (Ավստրալիա, Renault)՝ + 10,417
5. Սերխիո Պերես (Մեքսիկա, Racing Point)՝ + 15,650
6. Լանդո Նորիս (Մեծ Բրիտանիա, McLaren)՝ + 18,883
7. Դանիիլ Կվյատ (Ռուսաստան, AlphaTauri)՝ + 21,756
8. Շառլ Լեկլեր (Մոնակո, Ferrari)՝ + 28,345
9. Կիմի Ռայկոնեն (Ֆինլանդիա, Alfa Romeo)՝ + 29,770
10. Սեբաստիան Ֆետել (Գերմանիա, Ferrari)՝ + 29,983
11. Ջորջ Ռասել (Մեծ Բրիտանիա, Williams)՝ + 32,404
12. Ռոմեն Գրոժան (Ֆրանսիա, Haas)՝ + 42,036

Վերջնագիծ չեն հասել․ Լենս Ստրոլ (Կանադա, Racing Point), Էստեբան Օկոն (Ֆրանսիա, Renault), Նիկոլաս Լատիֆի (Կանադա, Williams), Կեւին Մագնուսեն (Դանիա, Haas), Անտոնիո Ջովինացի (Իտալիա, Alfa Romeo), Կառլոս Սայնս (Իսպանիա, McLaren), Մաքս Ֆերստապեն (Նիդերլանդներ, Red Bull), Պիեր Գասլի (Ֆրանսիա, AlphaTauri)։



© 2024 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։