«Ռոմայի» ֆուտբոլիստը տեղափոխվեց ՊՍԺ
22:36 11 սեպտեմբերի, 2020Իտալական «Ռոմայի» 29-ամյա իտալացի պաշտպան Ալեսանդրո Ֆլորենցին մեկ տարվա վարձակալության պայմանագրով տեղափոխվեց Ֆրանսիայի չեմպիոն ՊՍԺ, հաղորդում է փարիզյան ակումբի մամուլի ծառայությունը։ Հաջորդ ամռանը ՊՍԺ-ն իրավունք կունենա 9 միլիոն եվրոյով ձեռք բերել Ֆլորենցիի տրանսֆերային իրավունքը։
«Ես շատ հպարտ եմ եւ երջանիկ միանալ ՊՍԺ-ին, որը խոշորագույններից մեկն է Եվրոպայում։ Դրա վկայությունն է նաեւ Չեմպիոնների լիգայի եզրափակիչ հասնելը։ Շատ եմ ցանկանում հնարավոր ամեն ինչ անել ՊՍԺ-ի եւ փարիզյան ակումբի երկրպագուների համար։ Դրված են լուրջ խնդիրներ եւ մեծ հաճույք եւ պատիվ կլինի մասնակցել այդ խնդիրների լուծմանը»,- Ֆլորենցիի խոսքը մեջբերում է ՊՍԺ-ի կայքը։
Անցած մրցաշրջանի երկրորդ կեսը Ֆլորենցին վարձավճարով անցկացրել էր իսպանական «Վալենսիայում»։ Ֆլորենցին Իտալիայի հավաքականի խաղացող է 2012 թվականից։
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.