«Էվերտոնը» 2 տարվա պայմանագիր կնքեց Խամես Ռոդրիգեսի հետ
23:34 7 սեպտեմբերի, 2020Կոլումբացի կիսապաշտպան Խամես Ռոդրիգեսը Մադրիդի «Ռեալից» տեղափոխվեց Լիվերպուլի «Էվերտոն»։ Անգլիական ակումբը 29-ամյա ֆուտբոլիստի հետ կնքել է երկու տարվա պայմանագիր եւս մեկ տարով երկարաձգելու հնարավորությամբ, հաղորդում է «Էվերտոնի» պաշտոնական կայքը։
Նրա ծառայություններով հետաքրքրված էր «Էվերտոնի» իտալացի գլխավոր մարզիչ Կառլո Անչելոտին։ Նրանք միասին աշխատել են Արքայական ակումբում։
Ոչ պաշտոնական տվյալով, տրանսֆերի գինը կազմել է 22 միլիոն եվրո։
Անցած մրցաշրջանում Խամես Ռոդրիգեսը «Ռեալում» անցկացրել է 14 հանդիպում, խփել 1 գոլ, կատարել 2 գոլային փոխանցում։
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.