US Open. Ջոկովիչը տուգանվել է 10 հազար դոլարով, զրկվել մրցանակային 250 հազար դոլարից
00:03 8 սեպտեմբերի, 2020Թենիսի ԱՄՆ-ի բաց առաջնության 1/8 եզրափակիչի խաղում գծային մրցավարին գնդակով հարվածելու համար որակազրկված աշխարհի առաջին ռակետ Նովակ Ջոկովիչը տուգանվել է 10 հազար դոլարով ոչ մարզական վարքի համար, հաղորդում է The Times-ը։ Նա զրկվել է նաեւ ԱՄՆ-ի բաց առաջնության 1/8 եզրափակիչ հասնելու համար նախատեսված մրցանակային 250 հազար դոլարից։
Հիշեցնենք, որ իսպանացի Պաբլո Կարենյո-Բուստայի հետ մրցախաղի առաջին սեթում մատուցումից առաջ գնդակ ընտրելիս Ջոկովիչը, կարծես, պատահաբար գնդակով հարվածել էր գծային մրցավարին, այնուհետեւ մոտեցել եւ ներողություն խնդրել։ Մրցավարները սերբ թենիսիստին գրանցել են պարտություն։
Կարենյո-Բուստան քառորդ եզրափակիչում կմրցի կանադացի Դենիս Շապովալովի հետ, որը պայքարից դուրս է թողել բելգիացի Դավիդ Գոֆենին։
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։