Հովհաննես Բաչկովը հոկտեմբերի 9-ին կանցկացնի առաջին մենամարտը պրոֆեսիոնալ ռինգում
10:40 7 սեպտեմբերի, 2020Բռնցքամարտի Եվրոպայի կրկնակի չեմպիոն, աշխարհի բրոնզե մեդալակիր, Հայաստանի հավաքականի ավագ, 64 կգ քաշային Հովհաննես Բաչկովը հոկտեմբերի 9-ին նորամուտը կնշի պրոֆեսիոնալ ռինգում։
Անգլիական MTK Global (Mack The Knife Global) մենեջերական ընկերության բռնցքամարտիկների մասնակցությամբ մենամարտերը Rotunda Rumble IV մրցաշարում տեղի կունենան Դուբայում:
NEWS.am Sport-ի թղթակցի հետ զրույցում Բաչկովը նշեց, որ իր մրցակցի անունը հայտնի կդառնա առաջիկա օրերի ընթացքում:
Հիշեցնենք, որ հուլիսին Բաչկովը 3 տարվա պայմանագիր էր կնքել MTK Global-ի հետ:
Ավելի վաղ NEWS.am Sport-ի թղթակցի հետ զրույցում հայ բռնցքամարտիկը նշել էր, որ որ վաղուց է ցանկացել տեղափոխվել պրոֆեսիոնալ ռինգ: Ըստ պայմանագրի, պրոֆեսիոնալ ռինգում հանդես գալուն զուգահեռ, Եվրոպայի կրկնակի չեմպիոնը կնախապատրաստվի նաեւ Տոկիոյի Օլիմպիական խաղերի վարկանիշային մրցաշարերին։
Լուսինե Շահբազյան
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։