Գերմանիայի հավաքականի 21-ամյա կիսապաշտպան Կայ Հավերցը Լեւերկուզենի «Բայերից» տեղափոխվեց Լոնդոնի «Չելսի», հաղորդում է անգլիական ակումբի պաշտոնական կայքը։ Կողմերը կնքել են հինգ տարվա պայմանագիր։
Բրիտանական մամուլը գրել էր, որ «Չելսին» Հավերցի տրանսֆերի համար կվճարի 80 միլիոն եվրո։ Նախատեսված է նաեւ 20 միլիոն եվրոյի բոնուս։
«Երջանիկ եմ եւ հպարտ այստեղ լինելու համար։ Երազանքս կատարվեց։ Հիմա կխաղամ «Չելսիի» նման մեծ ակումբում։ Անհամբեր սպասում եմ նոր թիմակիցներիս հետ հանդիպմանը»,- նշել է Հավերցը։
Գերմանացի կիսապաշտպանը 2016 թվականից հանդես էր գալիս «Բայերի» գլխավոր թիմում, 2018-ից՝ Գերմանիայի ազգային հավաքականում։
Գերմանիայի անցած առաջնությունում Հավերցը մասնակցել է 30 հանդիպման, խփել 12 գոլ, կատարել 6 գոլային փոխանցում։
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։