Լուիս Սուարեսն ընդունել է «Յուվենտուսի» առաջարկը

17:41   4 սեպտեմբերի, 2020

«Բարսելոնայի» ուրուրգվայցի հարձակվող Լուիս Սուարեսը համաձայնության է հասել Իտալիայի չեմպիոն «Յուվենտուսի» հետ՝ ընդունելով թուրինյան թիմի առաջարկը, հաղորդում է Goal.com-ը։

Sky Italia-ն հաղորդել էր, որ «Յուվենտուսը» Լուիս Սուարեսին առաջարկել է 3 տարվա պայմանագիր՝ տարեկան 10 միլիոն եվրո աշխատավարձով: «Բարսելոնայում» Սուարեսի աշխատավարձը կազմում էր տարեկան 15 միլիոն եվրո: 

Այժմ պետք է համաձայնության հասնեն ակումբները։ Transfermarkt-ը 33-ամյա ֆուտբոլիստի տրանսֆերը գնահատում է 28 միլիոն եվրո։

Լուիս Սուարեսը 2014-ին «Լիվերպուլից» «Բարսելոնա» է տեղափոխվել 82 միլիոն եվրոյով։

Անցած մրցաշրջանում Լուիս Սուարեսը կատալոնական թիմում անցկացրել է 36 հանդիպում, խփել 21 գոլ, կատարել 12 գոլային փոխանցում։



© 2024 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։