Մեսիի հայրը չի բացառել, որ որդին կարող է մնալ «Բարսելոնայում»
15:45 3 սեպտեմբերի, 2020«Բարսելոնայի» արգենտինացի հարձակվող Լիոնել Մեսիի հայրը կատալոնական ակումբի նախագահ Խոսեպ Մարիա Բարտոմեուի հետ հանդիպումից հետո հայտնել է, որ որդին կարող է թիմում անցկացնել ևս մեկ մրցաշրջան:
«Արդյո՞ք կա հավանականություն, որ Մեսին կմնա «Բարսելոնայում». այո: Բարտոմեուի հետ հանդիպումը շատ լավ անցավ»,- Խորխե Մեսիի խոսքը մեջբերում է Deportes Cuatro-ն:
Իսպանական մամուլում լուրեր են շրջանառվում, որ կողմերը չեն կարողացել փոխհամաձայնության գալ: «Բարսելոնան» Մեսիի տրանսֆերի դիմաց պահանջում է նրա պայմանագրում նշված 700 միլիոն եվրո կլաուզուլան:
Ավելի վաղ հայտնի էր դարձել, որ արգենտինացի ֆուտբոլիստը որոշել է հեռանալ «Բարսելոնայից» և իր որաշման մասին հայտնել է ակումբին: Նրա գործող պայմանագիրը նախատեսված է մինչև 2021-ի ամառ: Ավելի վաղ նշվում էր, որ 33-ամյա Մեսին պայմանավորվածություն է ձեռք բերել City Football Group-ի հետ, որին է պատկանում անգլիական «Մանչեսթեր Սիթին»:
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.