«Բարսելոնայի» միայն 2 ֆուտբոլիստ է խնդրել Մեսիին մնալ ակումբում
23:07 1 սեպտեմբերի, 2020Կատալոնական «Բարսելոնայի» ֆուտբոլիստները մտադիր չեն բոյկոտել ակումբի մարզումները՝ պահանջելով ակումբի ղեկավարությունից ամեն գնով համաձայնության գալ թիմի առաջատար Լիոնել Մեսիի հետ:
Sky Sports-ի հաղորդմամբ՝ «Բարսելոնայի» կազմից միայն չիլիացի կիսապաշտպան Արտուրո Վիդալն ու ուրուգվայցի հարձակվող Լուիս Սուարեսն են խնդրել արգենտինացի հարձակվողին չհեռանալ «Բարսելոնայից»:
Նշվում է, որ «Բարսելոնայի» ավագներ Ժերար Պիկեն և Սերխիո Բուսկետսը հրաժարվել են միջամտել Մեսիի և ակումբի ղեկավարության հարաբերություններին:
Ավելի վաղ հայտնի էր դարձել, որ 33-ամյա ֆուտբոլիստը որոշել է հեռանալ «Բարսելոնայից» և իր որաշման մասին հայտնել է ակումբին: Արգենտինացու գործող պայմանագիրը նախատեսված է մինչև 2021-ի ամառ: Նախորդ մրցաշրջանում Մեսին ակումբային մակարդակում անցկացրել է 44 հանդիպում, դարձել 31 գոլի ու 26 գոլային փոխանցման հեղինակ:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։