Տեղի է ունեցել ֆուտբոլի Եվրոպայի լիգայի որակավորման երրորդ փուլի վիճակահանությունը:
Հայաստանի չեմպիոն «Արարատ-Արմենիան» Լյուքսեմբուրգը ներկայացնող «Ֆոլայի» արգելքը հաղթահարելու դեպքում հաջորդ փուլում տնային հանդիպում կանցկացնի Սլովենիայի չեմպիոն «Ցելյեի» հետ: Խաղը տեղի կունենա սեպտեմբերի 24-ին:
Հիշեցնենք, որ «Արարատ-Արմենիայի» և «Ֆոլայի» միջև խաղը տեղի կունենա սեպտեմբերի 17-ին Երևանի Վազգեն Սարգսյանի անվան «Հանրապետական» ստադիոնում:
Չեմպիոնների լիգայի որակավորման առաջին փուլում «Արարատ-Արմենիան» լրացուցիչ ժամանակում նվազագույն հաշվով պարտվել էր Կիպրոսի «Օմոնիային» և պայքարը շարունակում է Եվրոպայի լիգայում: Որակավորման երկրորդ փուլի վիճակահանությունից առաջ հայկական ակումբի մյուս հավանական մրցակիցներն էին «Կոնաս-Կի Նոմադսը» (Ուելս), «Աստանան» (Ղազախստան), «Սիլեկսը» (Մակեդոնիա), Թբիլիսիի «Դինամոն» (Վրաստան), Պոդգորիցայի «Բուդուչնոստը» (Չեռնոգորիա) և «Դրիտան» (Կոսովո): Չեմպիոնների լիգայի որակավորման առաջին փուլում «Ֆոլան» հյուրընկալվելիս 0:2 հաշվով պարտվել է մոլդովական «Շերիֆին»:
Այս մրցաշրջանում եվրագավաթների որակավորման փուլերի դիմակայություններն անցկացվում են մեկ խաղով:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։