Գոնչարենկո. Տիկնիզյանն արժանի էր հայտնվել մեկնարկային կազմում
14:39 31 օգոստոսի, 2020Ռուսական ԲԿՄԱ-ի գլխավոր մարզիչ Վիկտոր Գոնչարենկոն խոսել է թիմի հայ կիսապաշտպան Նաիր Տիկնիզյանի մասին, որը Ռուսաստանի առաջնության 6-րդ տուրի՝ «Ախմատի» դեմ խաղում ընդգրկվել էր ԲԿՄԱ-ի մեկնարկային կազմում:
«Տիկնիզյանը լավ աշխատանք է կատարում մարզումների ժամանակ, իսկ նրա որակները համապատասխանում են մեր թիմին:
Նաիրն արժանի էր հայտնվել մեկնարկային կազմում: Մենք որևէ ռիսկի չենք դիմել՝ նրան առաջին րոպեներից խաղադաշտ դուրս բերելով: Տիկնիզյանին փոխարինելը կապված էր միայն նրա՝ դեղին քարտ ստանալու հանգամանքի հետ»,- Գոնչարենկոյի խոսքը մեջբերում է ակումբի մամուլի ծառայությունը:
ԲԿՄԱ-ն 3:0 հաշվով հաղթանակ տարավ «Ախմատի» նկատմամբ: 21-ամյա Նաիր Տիկնիզյանը Ռուսաստանի առաջնությունում առաջին անգամ խաղադաշտ դուրս եկավ ԲԿՄԱ-ի մեկնարկային կազմում և փոխարինվեց երկրորդ խաղակեսի սկզբում:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։