Մեսին Նեյմարին առաջարկել է միասին խաղալ «Մանչեսթեր Սիթիում»
16:14 27 օգոստոսի, 2020Կատալոնական «Բարսելոնայի» առաջատար Լիոնել Մեսին ֆրանսիական ՊՍԺ-ի բրազիլացի հարձակվող Նեյմարին առաջարկել է միասին հանդես գալ անգլիական «Մանչեսթեր Սիթիում»:
ESPN-ի համաձայն՝ արգենտինացի հարձակվողը կապ է հաստատել նախկին ակումբակցի հետ, որպեսզի հայտնի «Մանչեսթեր Սիթի» տեղափոխվելու մտադրության մասին: Նա նույնն առաջարկել է նաև բրազիլացուն:
Բրիտանական մամուլում լուրեր են շրջանառվում, որ անգլիական ակումբը պատրաստ է 200 միլիոն եվրո ծախսել Մեսիին ձեռք բերելու համար:
Հիշեցնենք, որ Նեյմարն ու Մեսին միասին «Բարսելոնայում» խաղացել են 2013-2017-ը:
Ավելի հայտնի էր դարձել, որ 33-ամյա ֆուտբոլիստը որոշել է հեռանալ «Բարսելոնայից» և իր որաշման մասին հայտնել է ակումբին: Արգենտինացու գործող պայմանագիրը նախատեսված է մինչև 2021-ի ամառ: Նախորդ մրցաշրջանում Մեսին ակումբային մակարդակում անցկացրել է 44 հանդիպում, դարձել 31 գոլի ու 26 գոլային փոխանցման հեղինակ:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։