Մանուել Նոյերը՝ Չեմպիոնների լիգայի շաբաթվա լավագույն ֆուտբոլիստ

20:39   25 օգոստոսի, 2020

Մյունխենի «Բավարիայի» գերմանացի դարպասապահ Մանուել Նոյերը ճանաչվել է Չեմպիոնների լիգայի շաբաթվա լավագույն ֆուտբոլիստ, տեղեկացնում է մրցաշարի մամուլի ծառայությունը:

Ստացած ձայների քանակով Նոյերն առաջ է անցել եզրափակիչում հաղթական գոլի հեղինակ դարձած «Բավարիայի» հարձակվող Քինգսլի Քոմանից, ակումբի կիսապաշտպան Տիագո Ալկանտարայից և ՊՍԺ-ի կենտրոնական պաշտպան Մարկինյոսից:

ՊՍԺ-ի դեմ եզրափակիչում Նոյերը կատարել է 3 սեյվ:

Հիշեցնենք, որ Չեմպիոնների լիգայի եզրափակիչի լավագույն ֆուտբոլիստի մրցանակը ստացել էր հաղթական գոլի հեղինակ դարձած Քինգսլի Քոմանը:

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։