Տիագո Սիլվան համաձայնության է եկել «Չելսիի» հետ

Ֆրանսիական ՊՍԺ-ի և Բրազիլիայի ազգային հավաքականի կենտրոնական պաշտպան Տիագո Սիլվան, ամենայն հավանականությամբ, մարզական կարիերան կշարունակի Լոնդոնի «Չելսիում»:

Sky Sports-ի տեղեկություններով՝ բրազիլացի պաշտպանը 2 տարվա պայմանագիր է համաձայնեցրել լոնդոնյան ակումբի հետ:

35-ամյա Տիագո Սիլվայի պայմանագրը ՊՍԺ-ի հետ նախատեսված էր մինչև 2019/20 մրցաշրջանի ավարտ: Այժմ բրազիլացի պաշտպանն ազատ գործակալի կարգավիճակում է:

Տիագո Սիլվան ՊՍԺ էր տեղափոխվել 2012 թվականին «Միլանից»: Ֆրանսիական ակումբի կազմում Սիլվան անցկացրել է 204 հանդիպում, խփել 9 գոլ: