Ֆրանսիայի չեմպիոն Փարիզի ՊՍԺ-ն եւ Գերմանիայի չեմպիոն Մյունխենի «Բավարիան» օգոստոսի 23-ին Լիսաբոնում կվիճարկեն Չեմպիոնների լիգայի գավաթը։
Բուքմեյքերները կանխատեսում են հիմնական ժամանակում «Բավարիայի» հաղթանակը, որի գործակիցը 2․00 է։ ՊՍԺ-ի հաղթանակի հավանականությունը գնահատվում է 3․20, ոչ ոքին՝ 4․20 գործակցով։
Տիտղոսը նվաճելու գործակիցը «Բավարիայի» համար սահմանված է 1․50, ՊՍԺ-ի համար՝ 2․45։
Թիմերը Չեմպիոնների լիգայում նախորդ անգամ հանդիպել են 2017թ․ աշնանը խմբային մրցաշարում։ Մյունխենում «Բավարիան» հաղթել է 3։1 հաշվով, Փարիզում պարտվել է 0։3 հաշվով։
ՊՍԺ-ն առաջին անգամ է հասել Չեմպիոնների լիգայի եզրափակիչ, «Բավարիան» 5 անգամ նվաճել է եվրոպական չեմպիոնների գավաթը, 5 անգամ էլ պարտվել է եզրափակիչներում։
Չեմպիոնների լիգա, եզրափակիչ
ՊՍԺ (Ֆրանսիա) - «Բավարիա» (Գերմանիա)՝ 23։00 (Երեւանի ժամանակ)
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։